MARGOTZEN

Kaixo, koadrila:

Hemen nauzue berriro, eta Lolak komentatu digun bezala zoom saioan, margotzen aritu da. Argazki bat bidali digu,

Ze txukun eta polita geratu zaien!!

Miguelek ere lagundu du.

Zerbait  guztion artean egiten dugunean, poza handia ematen digu.

ASTEBURUA

Egun on, denoi

Zer moduz zaudete? Gaurko eguraldia ere zoragarria, agian bero gehiegi,nire ustez.

Alaiak asteburuan gauza pila egiteko denbora izan du. Honako hauek izan dira:

• Patinetez paseo bat ematera atera da Iratirekin

• Eskulan bat egin du:   ZIZAREA

 

Oso polita, Alaia, zaila al da?

• Sukaldatzen ere izan da:  TORRIJAK egin dituzte, eta ze itxura ona!! Esan dit oso oso goxuak zeudela

 Torrijak egiteko: ogia, esnea eta arrautza

Ze itxura ona duten!!          Badirudi torrijak esaten ari direla: Jan nazazu.  

                    

TXOKOLATE MADALENA GOXUAK

Kaixo, lagunok:

Norak madalenak egin ditu. Begira ze itxura ona dituzten.

Ba guk guztiok ere aukera dugu holako madalenak egiteko, errezeta bidali digulako

 

OSAGAIAK:

• 200 G HIRINA
• 65 G KAKAO HAUTSA
• 3 ARRAUTZA
• 50 ML ESNE
• 100 ML OLIBA OLIO SUABEA
• 125 G AZUKRE
• 10 G LEGAMI
• TXOKOLATE ZATITXOAK

NOLA EGIN:

1. ARRAUTZAK IRABIATU
2. AZUKREA BOTA ETA NAHASTU
3. ESNEA ETA OLIOA GEHITU, ONDO NAHASTU
4. HIRINA TAMIZATU ONDOREN BOTA ETA NAHASTU
5. LEGAMIA BOTA ETA NAHASTU
6. KAKAO HAUTSA TAMIZATU ONDOREN BOTA ETA NAHASTU
7. LORTUTAKO OREA MADALENAK EGITEKO MOLDE TXIKIETAN SARTU (3/4 BETERIK), NAHI IZANEZ GERO TXOKOLATE ZATITXOAK SARTU.
8. LABEAN SARTU 180ºTAN 12-15 MINUTUZ
9. DASTATU, GOZATU

Orain egin baino ez zaigu falta.

ON KIXOTE

Aupa, koadrila:

Zer moduz zoazte? Disfrutatu duzue asteburua?  Seguru baietz, etxetik atera, eguraldi ona …

Garazik bidali digu berak egin duen On Kixote. Oso polita gelditu zaio, ea zer iruditzen zaizuen.

(Konturatu zarete Garazi eta On Kixote biak urdinez daudela? Dotore dotere biak)

BIDEAK EZAGUTZEN

Egun on, Arranokideok:

Zer moduz asteburua? Ziur naiz asko gozatu duzuela egin duen eguraldiarekin, eta txirrindaz ibiltzen, paseoak ematen, hondartzara joaten, … ibili zaretela.

Ekaitzek ere paseoak ematen ditu, eta bide berriak ezagutzen ari da. Begira ze toki zoragarria deskubritu duen, niri misteriotsua ere iruditu zait.

                                                                                           Eta zuei …?

 

Ba ikastolatik gertu dugu leku hori, Igeldo aldean.

MAIATZAK 4: MUSIKA

1. Udaberrian gaude. Kolore guztietako loreak ateratzen ari dira eta zuhaitzak hosto berdez betetzen ari dira. Horregatik  "Loreen baltsa" entzutea proposatzen dizuet. Abesti hau Errusian jaio zen Tchaikovsky konpositore eta pianojoleak idatzi zuen.
   
2. Segidan beste bideo bat uzten dizuet eta bertan musika tresna batzuk agertuko dira: harpa, tronpa horia, klarinetea beltza, biolina marroina eta zeharkako txirula txuria. Adi egon!
3. Orain, “Loreen baltsa” entzuten duzuen bitartean, lore handi bat marraztu eta barruan gehien gustatu zaizuen musika-tresnaren izena idatzi. Margotu eta ziur oso polita geratuko zaizuela. Nahi baduzue lorearen argazkia bidal diezadakezue, horrela, zuen gustuko musika tresna zein den jakingo dut!

MAIATZAK - 4 ASTELEHENA